АКЦИЯЛАРНИ СОТИШ ТЎҒРИСИДА ТАКЛИФ

«BIOKIMYO» АЖ акциядорларига

Ҳурматли «BIOKIMYO» АЖ акциядорлари!

Ўзбекистон Республикасининг «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонуни 40-моддасига мувофиқ, «MEGA COMFORT BUSINESS» МЧЖ «BIOKIMYO» АЖ акцияларининг 50 фоизи ёки ундан ортиғига эгалик қилувчи шахс сифатида бошқа акциядорларга уларга тегишли акцияларни сотишни таклиф этиш мажбуриятига эга эканлигини инобатга олиб,

«MEGA COMFORT BUSINESS» МЧЖ (манзили: Тошкент вилояти, Янгиюл тумани, Ниёзбош ҚФЙ, О. Қучқаров кўчаси, 2а-уй) «BIOKIMYO» АЖ акцияларининг 50 фоизидан ортиғига эгалик қилувчи акциядор сифатида «BIOKIMYO» АЖ акциядорларига ўзларига тегишли акцияларни ҳар бир акция учун 14 450 (ўн тўрт минг тўрт юз эллик) сўмдан сотишни таклиф этади.

Таклиф этилаётган нарх 2026 йил 24 сентябрь ҳолатига РФБ «Тошкент»даги савдолар натижалари бўйича шаклланган бозор нархидан келиб чиқиб белгиланган бўлиб, ҳар бир акция учун 14 450 сўмни ташкил этади.

Агар Сиз акцияларингизни юқорида кўрсатилган нархда сотишга рози бўлсангиз, ушбу таклиф эълон қилинган санадан эътиборан 30 календарь кун ичида, яъни 2026 йил 20 ноябрь кунидан кечиктирмай (ушбу сана ҳам қўшилган ҳолда), қуйидаги шаклда расмийлаштирилган ёзма розилигингизни («Ариза») «MEGA COMFORT BUSINESS» МЧЖ номига тақдим этишингиз лозим.

Аризаларни марказлашган тарзда қабул қилиш ва қайта ишлаш «BIOKIMYO» АЖ томонидан амалга оширилади.

Ўз акцияларини сотиш истагида бўлган акциядорлар Аризани тўлдиришлари ва имзолашлари лозим. Акциядор юридик шахс бўлган тақдирда, Ариза юридик шахснинг муҳри билан ҳам тасдиқланади.

Имзоланган Аризанинг асл нусхаси почта орқали юборилиши ёки қуйидаги манзилга олиб келиб топширилиши лозим:

Тошкент вилояти, Янгиюл шаҳри, Кимёгар кўчаси, 1-уй.

Акцияларни олди-сотди шартномасини тузиш, сотиб олинаётган акциялар учун пул маблағларини тўлаш, шунингдек акцияларни ДЕПО ҳисобварақлари бўйича ўтказиш Ўзбекистон Республикаси қонунчилигида белгиланган тартибда амалга оширилади.

Ҳар бир акциядор акцияларни сотиш учун зарур рухсатнома ва розиликларни ўз вақтида олиш, шунингдек акцияларни сотиш билан боғлиқ бошқа зарур ҳаракатларни амалга ошириш, жумладан, акцияларни ҳисобдан чиқариш ва ҳисобга киритиш учун инвестиция воситачисига талаб этиладиган ҳужжатлар ва маълумотларни тақдим этиш учун мустақил равишда жавобгар ҳисобланади. Акциядор, шунингдек, барча комиссиялар, йиғимлар ва солиқларни, шу жумладан инвестиция воситачиси хизматлари ҳақини тўлаш учун ҳам мустақил равишда жавоб беради.

Ушбу эълон билан боғлиқ саволлар юзага келган ёки эълонда кўрсатилган қўшимча маълумотлар ёхуд ҳужжатларни олиш зарурати туғилган тақдирда, қуйидаги манзилга мурожаат қилишингизни сўраймиз:

Манзил: Тошкент вилояти, Янгиюл шаҳри, Кимёгар кўчаси, 1-уй.

Телефон: +998 97 156 79 72

Электрон почта: info@biokimyo.uz